أميمة عطية – كود ///

بلغات تحويلات المغاربة المقيمين بالخارج 89,22 مليار درهم حتى لمتم غشت 2026، مقابل 81,846 مليار درهم خلال نفس الفترة من السنة اللي فاتت، حسب آخر معطيات مكتب الصرف.

وحسب النشرة الأخيرة ديال مكتب الصرف حول “المؤشرات الشهرية للمبادلات الخارجية”، هاد التحويلات سجلت ارتفاع بـ9 فالمية على أساس سنوي.

ومن جهة أخرى، سجل ميزان “الأسفار” رصيد إيجابي وصل لـ74,621 مليار درهم، بارتفاع نسبتو 10,8 فالمية.

وهاد النتيجة جات بالأساس من ارتفاع مداخيل الأسفار بـ9,7 فالمية، حيث وصلات لـ97,926 مليار درهم، مقابل ارتفاع النفقات بـ6,6 فالمية، لتوصل لـ23,305 مليار درهم.

وفي ما ميخص الاستثمارات الأجنبية المباشرة، عرف صافي تدفقاتها ارتفاع مهم بـ65 فالمية، ووصل لـ34,334 مليار درهم.

وارتفعات مداخيل هاد الاستثمارات بـ17 فالمية، لتوصل لـ47,318 مليار درهم، فالمقابل تراجعات النفقات بـ33,9 فالمية، واستقرت فـ12,984 مليار درهم.

وبالنسبة للاستثمارات المغربية المباشرة بالخارج، فقد وصل صافي تدفقاتها لـ6,667 مليار درهم، مقابل 2,358 مليار درهم خلال نفس الفترة من السنة الماضية.