گود سبور//

ربح فلورنتينو بيريز انتخابات رئاسة ريال مدريد الإسباني، وخدا ولاية رئاسية جديدة.

وأعلنت اللجنة الانتخابية لريال مدريد، فالساعات الاولى من صباح اليوم الاثنين، أن عملية فرز أصوات الانتخابات الرئاسية للنادي اللي كانت البارح الاحد، كشفت فوز فلورنتينو بيريز.

ووضحت اللجنة ان فلورينتينو بيريز ربح 21,741 صوت، اي 65% من نسبة الأصوات، مقابل 11,814 للمرشح انريكي ريكيلمي اللي جا الثاني بنسبة 35% من عدد الأصوات.

ومن الحوايج اللي واعد فلورينتينو بيريز يديرهم إلى نجح لولاية رئاسية جديدة فريال مدريد، هي يرجع المدرب البرتغالي جوزي مورينيو، وراه اتفق معه صافي والبرتغالي كان كايستنى غير بيريز ينجح باش يرجع لريال مدريد، إضافة إلى أن بيريز واعد باش يجيب لاعبين جداد فهاد الميركاتو الصيفي بقيمة الفرقة.