وكالات //

تمكّن واحد المتسلق عندو 58 عام ينجا من بعد ما دوز جوج ليالي فبرد قاصح وتحت درجات حرارة مجمّدة فـ جبال أديرونداك فشمال نيويورك، حسب ما أعلنت إدارة الحفاظ على البيئة بولاية نيويورك.
وحسب البلاغ الرسمي، اللي نقلاتو جريدة بيبول، فالراجل اللي ساكن فمدينة ميكانيكفيل كان عالق فـ سلسلة ديكس رينج، من بعد ما تقطع الاتصال بينو وبين عائلتو خلال رحلة كان مخطط لها تدوم يومين. وآخر اتصال كان مع الصباح بكري، وكان باقي ليه تقريباً ستة دالميال باش يوصل لنقطة النهاية اللي كان مخطط لها.

https://www.instagram.com/nysdec/?utm_source=ig_embed&ig_rid=653a3fa0-03dc-4a37-8438-956fec1699ee

ووفق إدارة حماية البيئة، مركز الإرسال توصّل بإشعار من الزوجة ديالو. ومن بعد ساعات ديال البحث فالليل ما تلقاوهش، وفاليوم اللي من بعد شارك أكثر من 20 حارس، وزادو استعملو طائرات هليكوبتر ديال شرطة ولاية نيويورك باش يقلبو عليه من الجو.
وفالأخير تلقاوه حدا ممر ليليان بروك، وكان عندو غير انخفاض خفيف فدرجة حرارة الجسم وآثار ديال عضة الصقيع. ومن بعد تنقل بالهليكوبتر حتى مطار ليك بلاسيد، فين تكلفات به فرق الإسعاف وقدمو ليه العلاجات الضرورية.