وكالات//

فلت واحد الشاب فالبيرو من الموت بطريقة غريبة بعدما ضربو تران ديال الشحن وهو ناعس حدا السكة الحديدية، فحادثة عجيبة وقعات قرب جبال الأنديز.

السبب فهاد الحادث هو أن الراجل كان فحالة سُكر شديدة وما سمعش القطار وهو قريب. كان الشاب، خوان كارلوس تيلو (28 سنة)، متكي حدا السكة وما انتبهش للقطار اللي صدمو بقوة.

فالفيديو ديال الحادثة كيبين اللحظة اللي صدم فيها القطار الشاب اللي كان ناعس، وكان واضح من الفيديو أنه فاق مخلوع بعد الصدمة الأولى، وبدا كيطيح على الأرض مرة أخرى، ومن بعد حاول يوقف بصعوبة ويبعد عن مكان الاصطدام وهو مصدوم.

المسؤول ديال الشرطة المحلية، أفالوس، قال إن الشاب فلت منها وماتعرض لحتى شي إصابات خطيرة ووصف هادشي لي وقع ليه بالمعجزة.