وكالات//

واحد البنت صغيرة فعمرها عام ونص فقط، فلتات من الموت فتركيا بعدما طاحت من الطاج الخامس وهبطات على طوموبيل زجاجها طاح للداخل وما تكسرش.

كاميرا صورات لحظة الواقعة، الطفلة طاحت من دارهم فمدينة سيرت فجنوب تركيا وهبطات على طوموبيل كانت واقفة تحت العمارة.

الإعلام المحلي قال إن الطفلة، سميتها “إليف”، كانت فدارهم وطاحت بلا ما يحسو بيها، وناس اللي كانو فالشّارع جراو ليها وعيطو للإسعاف.

الطفلة حاليا فالسبيطار، كتتعالج من شوية ديال الكدمات، وحالتها مستقرة الحمد لله..