وكالات//

اضطرات واحد المراة كانت سايكة طوموبيلتها ف مدينة ميلبورن الأسترالية أنها توقف بعدما شافت لتحت ولقات واحد الحنش كبير مسموم حدا رجليها وكان غادي يعضها.

ووصل البوليس واحد البلاغ من هاد المراة في الولاية وهي كتقول ليهم ان الحنش كان في الطوموبيل ديالها وهي كانت كتسوق بسرعة 80 كيلومترا في الساعة.

وجاو البوليس بسرعة لمكان الحادث، ولقاو السيدة فحالة من الهيستيريا والخوف الكبير، وقالت إنها كانت غاديا عادي حتى شافت شي حاجة كتحرك حدا رجليها ولقات أنها لفعة مسمومة.

وقدرات هاد السيدة أنها تركل اللفعة وترميها برا وفلتات من شي عضة قاتلة منها.

من بعد عيطو البوليس لخدمة مكافحة الثعابين في ملبورن باش يشدو اللفعة ولقاو أنها من نوع “النمرة المسمومة”، وهي واحدة من اكثر اللفاعي سمية في العالم.