كود -كازا//

رجع الفكرون جوناثان للواجهة من جديد بعدما خرجات إشاعة كتقول باللي مات فجزيرة سانت هيلينا ،هاد الخبر صدم بزاف ديال الناس اللي كيتابعو قصتو، خصوصاً انه معروف كأقدم فكرون بري حيّ فالعالم .

الفكرون جوناثان فعمرو ط تقريباً لـ193 عام، يعني تزاد قبل ما تولي الملكة فيكتوريا ملكة لبريطانيا، وحتى قبل الرحلة الشهيرة ديال العالم شارل داروين لجزر غالاباغوس، وقبل ما دخل فرنسا
لقسطنطينة .

جا جوناثان لجزيرة سانت هيلينا من سيشل فثمانينيات القرن 19، وعاش فحديقة Plantation House، المقر الرسمي لحاكم الجزيرة.، ومع الوقت ولا جوناثان رمز تاريخي فالجزيرة الصغيرة وسط المحيط الأطلسي.

فحياتو تلاقا جوناثان مع شخصيات معروفة بزاف من بينهم الملك جورج السادس والملكة إليزابيث الثانية ملي كانت أميرة، وحتّى الأمير فيليب دوق إدنبرة اللي عطاها الماكلة فـ1957، ومؤخراً ليندسي هويل. وتم الاعتراف بـجوناثان رسمياً من طرف غينيس للأرقام القياسية كأقدم فكرون بريّ حيّ فالعالم.

ومع الكبر ، بداو الأطباء كيراقبو صحة جوناثان مزيان ، و نظام غذائي عامر السعرات الحرارية واليوم، جوناثان مازال عايش ترونكيل فجزيرة سانت هيلينا.