كود هند لكلاوي ///

سالى “ويك فقطان 24” المنظم من قبل مجلة “فام دي ماروك” السبت اللي فات بمراكش بعرض قدم صورة على هاد اللبسة المغربية العامرة حضارة. العاكسة بتاريخنا. الديفيلي كان تتويج ل4 ايام ديال الاحتفال بهاد اللبسة.

كانت “ماستر كلاص” على هاد اللباس الجميل الملون الساحر الفاتن. كان فترة لاكتشاف “المغرب ارض الفقطان” اثير فيه سحر هذا اللباس. جانبو التقليدي. انفتاحو على عصرو. على العالم.

باش تفهم الفقطان خاصك تعرف تاريخو. هاد الشي جبدو متحف بتاريخ الفقطان فدار الباشا فمراكش. جبد مهن هاد اللباس.

كان اهتمام بالجيل الجديد من اللي كيخدمو موضة الفقطان. دار يوم 10 ماي عرض ازياء للمبدعين الشباب اطرتهم المصصمة مريم بوسيكوك.

سالات هاد السيمانا بالحدث الابرز السبت 11 ماي: ديفيلي لمصممات شهيرات: فوزية الناصري وهدى لاريني وإيمان التدلاو وهند لعمارتي وأمينة البوصيري، مريم بلخياط وسهام الهبطي ونجية بنجلون وسميرة المهيدي وزينب اليوبي الإدريسي وإيمان أوشن وسليمة البوسوني وسلمى سيناوي وأمال سوسي عواد وهند العراقي ومريم عزيز.

الملاحظة هو اختفاء المصممين الرجال. الابداع نسائي ماية فالمائة.

هاد الديفيلي بثاتو “دوزيم” السبت للي فات مباشرة وجمع 5.3 مليون مشاهد.