كريم الصوفي – كود//

[email protected]

قالت جريدة “هافينغتون بوست”، بللي مواطن سينگالي تقدم ف 16 يونيو 2021، بطلب اللجوء إلى مكتب الهجرة والحدود الإقليمي ف گاليسيا، بمساعدة مترجم، من أجل إضفاء الطابع الرسمي على الطلب ديالو اللي ضمن فيه أسباب إنسانية تسمح ليه بالإقامة في إسبانيا.

ووفقا لطلب اللجوء، حسب هافينغتون بوست”، ادعى المواطن السنگالي أنه مصاب بمرض خطير ما يمكنش يتعالج منو بشكل مناسب ف بلدو الأصلي. كما أنه هاجر من بلادو باش يقلب على فرص أفضل ونوعية حياة مزيانة، إضافة إلى القلق ديالو الناجم عن الخلافات العائلية المستمرة اللي أترات عليه بشكل سلبي..

وذكر المهاجر السينگالي، أنه معندوش مشكل يخدم على راسو ويعاون الأسرة ديالو، واعترف أنه قبل  وصوله للصبليون، خدم فالمغرب لمدة عام ونصف. لكن هاذ الحقيقة أدت إلى رفض طلبه. بعد ما بررت الغرفة الإدارية بالمحكمة الوطنية الرفض، بأن المشاكل الصحية ما يمكنش ليها تبرر الاعتراف بوضع اللاجئ وما دام قدر يخدم فالمغرب هذيك المدة فكان خاصو يقدم طلب اللجوء تماك..