الرئيسية > كود-تيفي > فعيد الحب. مالوما جدد الحب ديالو للمغرب وقال قدام الملايين: كنحس براسي تولدت فيه -فيديو
17/02/2020 22:00 كود-تيفي

فعيد الحب. مالوما جدد الحب ديالو للمغرب وقال قدام الملايين: كنحس براسي تولدت فيه -فيديو

فعيد الحب. مالوما جدد الحب ديالو للمغرب وقال قدام الملايين: كنحس براسي تولدت فيه -فيديو

نجوى المالحي-كود//

في عيد الحب، اختار المغني العالمي خوان لويس لوندونو أرياس لي مشهور باسم “مالوما” يجدد الحب ديالو للمغرب.

مالوما كان داير لايف مع المتتبعين ديالو فانستگرام ولأن جمهورو من المغرب كثير بزاف بقاو كيكتبو ليه “موروكو” وكيديرو ليه درابو  ديال المغرب وهو يتفاعل معاهم.

وقال “كنت قلت ليكم شحال هادي هاد الهضرة، وغادي نعاود نقولها.. شحال من مرة كنحس أنني تولدت في المغرب”.

وكان مالوما في تصريحات سابقة ملي دار حفل اختتام مهرجان موازين العام لي فات وحضر لحفلو كثر من 200 ألف واحد، أنه اول مرة جا للمغرب كان باش يصور أغنية مع المغني الكونگولي گيمز بعنوان “سينيوريتا”، وحس بأن الزناقي والدروبة ديال مراكش بحال في بلادو.

وبخصوص الدارجة لي تعلم، قال انه كيعرف “خويا وشكرا ولالة”. مالوما فرح بالنجاح لي حقق، والفرحة ديال الجمهور  بيه واكد انه غادي يعاود يرجع باش يستمتع فالمغرب.

موضوعات أخرى