وكالات//

في حادثة دارت صدمات كبيرة فالمجال الأكاديمي والعلمي، شركة التوصيل الأمريكية “UPS” رمت أحافير بحرية نادرة عمرها 380 مليون سنة فمزبلة، حيث كان السبب هو أن الجهة المستلمة ما خلصاتش رسوم الشحن!

بحسب قناة NBC News، جامعة نيوجيرسي هي السبب الرئيسي فهاد الإهمال. المصدر المقرب من الموضوع قال للقناة: “بسبب إهمال جامعة نيوجيرسي، شركة UPS قررت تتفك من هاد الأحافير النادرة اللي كان من المفروض تتسلمها الجامعة، بعدما ما خلصوش مصاريف الشحن”.

القصة بدات في يونيو العام اللي فات، وقتاش البروفيسور مارتن بيكر، الخبير فالجولوجيا والأحافير، صيفط حوالي 200 قطعة بحرية أثرية من العصر الديفوني لزميل ليه فجامعة نيوجيرسي فإطار مشروع بحثي مشترك كان هدفه يكتاشف معلومات جديدة على الحياة البحرية فداك العصر. تم شحن هاد العينات فـ 19 صندوق عن طريق UPS.

لكن الصدمة جات بعدما عرف البروفيسور بيكر من شركة الشحن أن الجامعة ما خلصاتش الرسوم، وطبقًا للسياسة ديالهم، تم التخلص من الصناديق كلها ورميها فمزبلة بمدينة ناشفيل فولاية تينيسي.