وكالات //

اكتاشف واحد الكليان فريسطو فجنوب شرق الشينوا، آثار ديال رجلين ديناصورات كترجع ل100 مليون عام قبل، مللي كان كياكل وسط الريسطو فتيراس محلولة فالهواء الطلق.

وتأكد فريق من علماء الحفريات ديال واحد الجامعة فالشينوا من بزاف ديال  الحفر الحجرية لقاوها فالريسطو فيها آثار رجلين ديال ديناصورات “الصوروبودا” (Sauropods)، اللي عاشت فالعصر الطباشيري.

شبكة “سي إن إن” الميريكانية، قالت بللي لكليان اللي كان كياكل فالريسطو، فمنطقة “Leshan” التابعة لإقليم “Sichuan”، بانت ليه آثار ديال رجل ديناصور، هو يعلم الناس ديال الريسطو اللي خداو الأمر بجدية وتواصلو مع متخصصين.

ليدا شينكَ (Lida Xing)، عالم الحفريات والأستاذ المساعد فالجامعة الشينوية لعلوم الأرض (China University of Geoscience)، قال بللي كاينين آثار رجلين 2 ديناصورات كيوصل الطول ديالهم  ل8 مترو تقريبا.