الرئيسية > آش واقع > فعز أزمة “كورونا”.. بنشعبون كيطالب الإدارات العمومية تعطي للمقاولات مستحقاتها
26/03/2020 19:53 آش واقع

فعز أزمة “كورونا”.. بنشعبون كيطالب الإدارات العمومية تعطي للمقاولات مستحقاتها

فعز أزمة “كورونا”.. بنشعبون كيطالب الإدارات العمومية تعطي للمقاولات مستحقاتها

عفراء علوي محمدي- كود//

وجه محمد بنشعبون، وزير الاقتصاد والمالية وإصلاح الإدارة، دورية للوزراء والمندوبين السامين والرؤساء والمديرين العامين وكَاع مديري المؤسسات والمقاولات العمومية، باش يسرعو وتيرة تسديد مستحقات المقاولات، فهذ الفترة اللي كيعرف المغرب أزمة اقتصادية بسبب فيروس “كورونا” المستجد، واللي فرضات الإعلان عن حالة الطوارئ الصحية.

الوزير طالب، فالدورية اللي حصلات “كود” على نسخة منها، باش يتم الوفاء بالالتزامات المالية تجاه الشركاء والموردين للطلبيات العمومية، من مقاولات ومكاتب للدراسات ومكاتب المهندسين، وبدل الجهود باش يقدرو هذ الناس يدفعو الديون ديالهم المستحقة تجاه كل الإدارات والمؤسسات والمقاولات العمومية.

وقال بللي خاص الإدارات العمومية تستحظر الخطاب ديال الملك محمد السادس نهار 20 غشت 2018، واللي اكد فيه بللي خاص هذ المؤسسات تسدد مستحقات المقاولات، على اعتبار أن الأخيرة من الممكن تكون على حافة الإفلاس، وهذشي يقدر يخلي بزاف يفقدو مناصب شغل.

موضوعات أخرى