الرئيسية > تبركيك > فعام واحد.. ستروماي دار 200 حفلة ومرض مرضة خايبة بزاف ودابا كيوجد باش يرجع
02/12/2019 20:00 تبركيك

فعام واحد.. ستروماي دار 200 حفلة ومرض مرضة خايبة بزاف ودابا كيوجد باش يرجع

فعام واحد.. ستروماي دار 200 حفلة ومرض مرضة خايبة بزاف ودابا كيوجد باش يرجع

نجوى المالحي-كود//

هادي أسبوع النجم البلجيكي بول فان هافر المعروف ب “ستروماي” خرج من القوقعة ديالو وبان بشكل مفاجئ في الحفل المباشر لي دارتو فرقة “coldplay كولدبلاي” مع الفجر وداز مباشرة في اليوتوب.

مول أغنية “formidable” بان بلوك مختلف بزاف. غليض وشعرو طويل جامعو، وغنا معاهم لمدة 5 الدقايق أغنية من ألبوهم الجديد ‘Arabesque”.

وحسب برنامج “50minutes inside” لي داز البارح السبت في قناة “TF1” الفرنسية، المغني كتجمعو علاقة زوينة مع “كولد بلاي” لي غناو في 2017 دارو كوفر لاغنية “فورميدابل” بطريقة زوينة.

ومن 2015 المغني البلجيكي لي ولا نجم عالمي اختفى بعدما مرض وفقد الرغبة فالغنا أمام جمهورو، وبداوه مشاكل صحية ملي تصاب بآثار جانبية فاش كان كيتعالج من الملاريا في يونيو من  2015.

وفي 2019 ستروماي بان 3 ديال المرات وهادشي خلا المتتبعين يقولو أنه ربما كيوجد للعودة ديالو.

موضوعات أخرى