الرئيسية > آش واقع > فعام انتخابي. الهوة بين بنكيران وحزبو كبرات بزاف. الكيف دار التبويقة لهاد العلاقة ورئيس الحكومة السابق مصدوم بزاف: راه فشرعنة المخدرات خطر انفصالي على لبلاد
25/02/2021 08:30 آش واقع

فعام انتخابي. الهوة بين بنكيران وحزبو كبرات بزاف. الكيف دار التبويقة لهاد العلاقة ورئيس الحكومة السابق مصدوم بزاف: راه فشرعنة المخدرات خطر انفصالي على لبلاد

فعام انتخابي. الهوة بين بنكيران وحزبو كبرات بزاف. الكيف دار التبويقة لهاد العلاقة ورئيس الحكومة السابق مصدوم بزاف: راه فشرعنة المخدرات خطر انفصالي على لبلاد

كود احمد الطيب ///

مشروع القانون الي خاص بالاستعمالات المشروعة للكيف اللي غادي يدارس اليوم فالمجلس الحكومي زاد الشرخ فالعلاقة بين حزب العدالة والتنمية وعبد الاله بنكيران رئيس الحكومة السابق والامين العام السابق للحزب.

بنكيران كيعيش حالة نفسية خايية وفق ما علمته “كود”. صدمتو كانت مزدوجة حسب مصادر “كود”٬ اولا عرض هاد المشروع للتدارس ويمكن يتم المصادقة عليه اليوم فالمجلس الحكومي وثانيا انو سمع لخبار فالصحافة ما خبرو حد.

وفق مصادر “كود” فهاد المشروع للي كان بنكيران اكبر الرافضين ليه٬ جا يزيد الهوة اللي اصلا متسعة٬ بين قادة الحزب الحالي وبنكيران فسنة انتخابية.

بنكيران وفق مصادر “كود” بعد وانزوى فالدار وما بغى يتلاقى حد هاد اليومين. اختار بحال شي عزلة.
صفحتو على الفايس بوك عاودات نشرات فيديو قديم ديالو على موقفو من الكيف. كان دارو بعد تنظيم الياس العماري امين عام البام ديك الساعة٬ لندوة دولية حول الاستعمالات الطبية للكيف ورفع التوصيات للملك.

بنكيران دار رد قوي. قال فيه باللي الموافقة على الاستعمال الطبي للنبتة =كيف غادية دير الحكومة اليوم= هو “شرعة للمخدرات” وباللي غادي يتسبب ف”دمار” لامة بكاملها وانو كيحمل معاه “خطر انفصالي” علي المغرب.

موضوعات أخرى

20/04/2021 02:00

التلاميذ المصابين ضحايا حادث الفاركونيط بوزان مازالين فمستشفيات طنجة وفعاليات جمعوية وتربوية كتحاول تجمع تبرعات لمساعدتهم..

19/04/2021 23:00

رمضان وكونفينمون (الحلقة 5).. رشيد أيلال فحوار مع “كود”: التراويح بدعة والسنة هي تصليها فدارك.. وقرار الحكومة غير مسؤول حيت مادارتش الحل لصحاب القهاوي