الرئيسية > آش واقع > فضيحة وصافي. برلماني البام شفيق عبد الحق المتهم بالسطو على اراضي الاحباس كيبكي فالبرلمان وكيزاوگ وزير الداخلية
08/11/2018 15:02 آش واقع

فضيحة وصافي. برلماني البام شفيق عبد الحق المتهم بالسطو على اراضي الاحباس كيبكي فالبرلمان وكيزاوگ وزير الداخلية

فضيحة وصافي. برلماني البام شفيق عبد الحق المتهم بالسطو على اراضي الاحباس كيبكي فالبرلمان وكيزاوگ وزير الداخلية

كود الرباط ///

فضيحة كبيرة وشوهة ما فايتاها شوهة دارها برلماني البام فعين الشق عبد الحق شفيق البارح فالبرلمان اثناء مناقشة ميزانية وزارة الداخلية بحضور الوزير عبد الوافي لفتيت. هاد الشوهة نقلها الصحافي عبد الله الكوزي على صفحته على الفايسبوك. الصحافي في يومية “الصباح” قال انه وطيلة عشرين عام ديال تغطية البرلمان ما عمرو شاف برلماني كيبكي. هاد السيد ما كيبكيش على مصالح المواطنين. اللا. على مصالحو لكثيرة. السيد عندو شهرة كبيرة بزاف بزاف فكازا. مشوه ماشي شهرة زوينة.

البرلماني عن حزب الاصالة والمعاصرة كان كيبكي وكيهدر على تزوير ملكية الأراضي المسترجعة، و أراضي الأحباس في منطقة اولاد حدو بضواحي الدار البيضاء. اي الدائرة ديالو.

وزير الداخلية لفتيت قال ليك قدام كلشي واجي عندي للمكتب وحكي لي اش واقع.

شفيق اللي ما كيحشمش كان بان فشي فيديو كيهدر على الاستيلاء من قبل شي وحدين على اراضي الاحباس وقال باللي كيفضح لوبيات العقار. اييه هو هو قالها.

لفضيحة لخرى هو ان هاد شفيق ما عندو علاقة بلجنة الداخلية والبنيات الأساسية. ماشي عضو فيها. السيد وفق مصدر “كود” تبادل غير البارح مع صاحبو من نفس الحزب المعلوم هشام لمهاجري من شيشاوة باش يجي كدام وزيري الداخلية لفتيت وبوطيب ويدير راسو تيبكي.

موضوعات أخرى

17/11/2018 19:33

مجاهد لـ”كود”: الاحتلال الإسرائيلي كان الهدف ديالو يرهبنا باش متكونش مسيرة سلمية حدا الجدار وها شنو قالنا أبو مازن وهادشي نقلناه للأمم المتحدة

17/11/2018 19:00

علاش فينما دار المغرب شي حاجة تحمر لوجه تبدا الشكوك. اه التي جي ڤي غالي قبل ما يعرفو الثمن واش خاصك يا العريان وباش ربحنا الكاميرون اه حگى لقجع اه لاربيط ….