كود وجدة//

مجلة علمية دولية افريقية كشفات تزوير مقال علمي من طرف فريق مصلحة جراحة الدماغ و الاعصاب بالمركز الاستشفائي الجامعي CHU بوجدة.

المجلة National Institutes of Health  قالت بلي المقال البحثي المزور تنشر فـ”ابريل” 2021، وتقرر يتمسح فابريل 2022.

المجلة  فضحاتهم و تسحب المقال و تنشر أسماءهم على صفحتها، واكدت بلي ماشي هوما لي دارو العملية ولا كتبو المقال، مع العلم بأن بحال هاد العلمية كتكون دقيقة وفيها مجهود بحث، وكايدارو فالمغرب، ولكن هادو طاحو على راسهم وتشوهو.

هادشي فيه تشويه سمعة المغرب في المحافل الدولية العلمية مع احتمال ان يصبح دولة دون اي مصداقية علمية، فالوقت لي الملك طلق مشاريع كبيرة ديال تصنيع اللقاحات والابتكار فهاد المجال.

دبا حتى هاد المجلة اللي نشراتو وعاد سحباتو، تشوهات ومصداقيتها غاتكون ضعيفة. المقال كيهضر على عملية استئصال ورم.

هاد المركز الاستشفائي الجامعي فوجدة، كيعيش اصلا الفوضى والروينة، يلا كانو هادو لي شادين مصلحة الجراحة كيغشو فالمقالات، علم الله كيفاش غايكونو كيتعاملو مع المرضى.