الرئيسية > آش واقع > فضيحة هادي. السلطات الصحية دالصبليون ما خبروش لمغاربة على حالة مواطن ركب مع “لارام” ولقاو فيه “كورونا” ودخل للانعاش
14/11/2020 13:00 آش واقع

فضيحة هادي. السلطات الصحية دالصبليون ما خبروش لمغاربة على حالة مواطن ركب مع “لارام” ولقاو فيه “كورونا” ودخل للانعاش

فضيحة هادي. السلطات الصحية دالصبليون ما خبروش لمغاربة على حالة مواطن ركب مع “لارام” ولقاو فيه “كورونا” ودخل للانعاش

كود علي الصافي العيون ///

علمت “كود” ان السلطات الاسبانية الصحية بلاس بالماس بكناريا لحد الان ما خبراتش لا الخطوط الملكية المغربية لا غيرها على حالة اصابة مواطن بكورونا. المواطن اللي ولى اسباني باش دخل للتراب ديالهم جا من العيون فرحلة “لارام” نهار الاربعا 4 نونبر 2020. 

اللي كانو فهاد الرحلة شافو تدهور مفاجئ لمواطن فالطيارة بعد ضيق واضح فالتنفس. باش حطات الطيارة حسب مصادر “كود” طلع عندو ناس الاسعافات وهبطوه. كلشي كان عادي حتى لهنا. المسافر كان دار تيست ديال كورونا قبل ما يطلع للطيارة تقول مصادر “كود” وطلعات النتيجة “سلبية” وعندو هاد الوثيقة.

المشكلة كيتحملها ناس الصحة فاسبانيا. حقاش باش وصل فحالة صحية حرجة. دخل للانعاش ودارت محاولات مزيانة باش ينقدو حياتو. هاد المحاولات عطات نتائج ودابا كاين تحسن فحالتو. غير هو الاطباء اكتشفو ان المشكلة عندها علاقة باصابتو بكورونا. اي كانت فيه كورونا والتيست اللي دار فالعيون طلع خاطئ. هاد الشي كيوقع وكلشي عارف باللي نسبة الخطأ موجودة. لكن كيفاش باش تأكدات الصحة فكناريا باللي فيه “كورونا” ما خبروش ناس الخطوط الملكية المغربية. 

هاد الشي راه فالبروطوكول ديال هاد الجايحة باللي باش يلقاو شي حالة خاص اخبار شركة الطيران باش اللي كان فديك الرحلة وكان عندو علاقة بالمصاب يدير التيست او لاكارنتين. نديرو ان التحاليل تعطل شوية. كان خاص تخبر لارام لخميس 5 نونبر 2020. ودابا حنا ف14 ووفق مصادر “كود” ما تخبر حتى حد بهاد الشي. 

موضوعات أخرى

27/11/2020 21:00

الطبيب حمضي: اللقاح اللي اعتمدو المغرب ناجع وماعندوش أعراض جانبية.. ومغرب من الدول الأولى اللي غتبادر بإنقاذ الافراد والاقتصاد والمنظومة الصحية من خلال اللقاح

27/11/2020 20:30

الفيدرالية المغربية لناشري الصحف  تدعو الصحافيين الجزائرين للالتزام بشرف المهنة  وتؤكد أن الدفاع عن الوحدة الترابية للمملكة جزء لا يتجزأ من قيمها المهنية الأصيلة