وكالات//
مطار ميريكاني خدا قرار جديد وبدا كيعبر وزن الناس الغلاض ويعرف شحال فيهم من كيلو قبل ما يطلعو للطيارة، واخا عندهم تيكي ديالهم ومقطعين الرحلة.
هاد القضية وثقاتها كاميرا ديال المسافرين لي جاتهم القضية عجيبة وغريبة، وعبرو على الرفض ديالهم واعتابرو أن الأمر فيه تقليل كبير من الناس.
واعتابرو المسافرين أن القضية لي دارت شركة الطيران لي كانت عندها طيارة صغيرة أمر غير قانوني، في الوقت لي ناس آخرين اعتابروه عادي وماكين تا مشكل.
من الجهة ديالها، كشفات إدارة الطيران الفدرالية “إف إف إيه (FFA) أن وزن الركاب والأمتعة ديالهم قبل ما يطلعو الطيارة كيعاون في ضمان عدم زيادة الوزن”.
