كود الرباط //

البرلمان بلا، طواليتات ديالو بلا ماء، هاد كثر من ساعتين حسب مصادر “گود”.

فويت وقعات برا البرلمان، وريضال تدخلت معطلة باش تصلح هاد الفويت.

وحسب مصادر “گود” فدبا طواليتات البرلمان معطلة والموظفين والبرلمانيين لي عندهم اجتماعات خصهم يخرجو برا المؤسسة التشريعية باش يقضيو حاجتهم الطبيعية.

هادشي تزامن مع جلسة تقديم مشروع قانون مالية 2024، لي غايحضرو فيه نواب ومستشارين من الغرفتين (مجلس النواب ومجلس المستشارين).