كود الرباط//

دافع وزير الصناعة والتجارة، رياض مزور، اليوم بمجلس النواب، بشدة على زميلو في الحكومة المهدي بنسعيد، وزير الشباب والتواصل والثقافة، فقضية “سيارة من صنع مغربي” اللي كتنتجها شركتو “نيو متورز” واللي أثارت جدل كبير بخصوص “كوبي كولي” لي دارت لسيارة صنعت في الصين.

وقلل مزور، خلال مناقشة مشروع الميزانية الفرعية لوزارة الصناعة والتجارة، مساء اليوم، “هضرتو على تضارب مصالح ف قطاع صناعة السيارات وأنا نقوليكم مكرهتش كل واحد فيكم يستثمر فيه.. هذا قطاع صعيب”.

وأوضح وزير الصناعة: “كتقولو ناس استفدو من دعم الدولة. ولكن دعم فيه شروط وفيه اشطر ومقنن وذلك بعد تحقيق نتائج”.

وتابع بلي “الاتفاقيات لي دارو قبل ولوجي إى المسؤولية. ميمكنش نبخسوه ونخليو مبادرة استثمارية شجاعة لشباب مغاربة وبادرو باش يخلقو علامة مغربية. ونجيو حيث كاينا مسألة سياسية ونبخسو هاد الاستثمار”.

وشدد الوزير بلي ميمكنش يقبل يتقال هاد الكلام على علامة مغربية، وقال: “غاندافع عليها كيفما كان الحال وغانبقا ندافع عليها”.

يشار بلي فالدورة الثالثة لليوم الوطني للصناعة اللي كان فالرباط، علنات شركة “نيو موتورز” المغربية عن إطلاق “أول سيارة كهربائية مغربية مئة بالمئة”، بحيث تروج للمشروع على أنه إنجاز مغربي غير مسبوق يعزز مكانة المملكة كقوة إقليمية في قطاع السيارات.

غير دازت سويعات حتى بدات كتبان الحقيقة، لدرجة أن قنوات دولية نشرات فضيحتنا، كما نشر موقع ميديا 24 كيفاش أن هاد السيارة عندها الشبيه ديالها فالصين.

طوموبيلة شركة بنسعيد بانت مطابقة لطوموبيلة صينية تباع في موقع ’’علي بابا” تحت اسم مختلف وبسعر لا يتجاوز 55 ألف درهم مغربي.

https://www.facebook.com/share/v/14PKFXyycpC/?mibextid=wwXIfr