الرئيسية > ميديا وثقافة > فضيحة كبيرة وبزاف. لبناني الرئيس المدير العام لاكبر مجموعة اعلامية فالمغرب
18/06/2020 10:15 ميديا وثقافة

فضيحة كبيرة وبزاف. لبناني الرئيس المدير العام لاكبر مجموعة اعلامية فالمغرب

فضيحة كبيرة وبزاف. لبناني الرئيس المدير العام لاكبر مجموعة اعلامية فالمغرب

كود كازا //

البارح كان خبر زلزال فالاعلام المكتوب المغربي. مجموعة مجهولة “هولدينگ تريبوليس” شرات “ايكو ميديا” و”ايكو برينت” ومدرسة للصحافة.. هاد المجموعة ولات مساهمة ب70 بالمائة فاكبر مجموعة اعلامية عندها “الصباح” و”ليكونومسيت” و”اطلنتيك” وزيد وزيد بعد ما فوت المالكين لاكبر اسهم نادية صلاح رئيسة تحرير “ليكونوميست” و”عبد المنعم دلمي مدير نشر نفس اليومية والصباح” اسهمهم.

لكن شكون شرا؟

اللي شرا هو هاداك الهولدينك المجهول. اللي هو حسب ما نشرنا البارح عن انونس ليگال خرج ل”ليكونوميست” وفيه ان حديد للاستشارة اللي هو فيسكاليست معروف اسس شركة مجهولة ف4 ماي 2020 اي مع كورونا فيروس وهاد الشركة اسمها « تريسلوليس هولدينك ومقرها زنقة البحتري بحي گوتيي بانفا فكازا.

راس مالها الاجتماعي 11 مليون و160 الف درهم. هاد الشركة فيها متصرف هو رياض مولوي

هاد مولوي كان عندو شركة سونريجيا واللي خدمات بزاف مع “ليكونوميست” حول استطلاعات للرأي.

مولوي لبناني شيعي. دابا كيفاش لبناني شيعي غادي يملك اكبر مجموعة اعلامية فالمغرب. واخا اللي خدمو معاه كيقولو باللي واحد متفتح فالدين وعزيز عليه جلال الدين الرومي…..

اللبناني دخل حسب نفس الاعلان كمساهم فمجموعة “لابيل في” و”كارفور” ديال مول البيستري زهير بناني اللي معروف لمن تابع فالسوق.

المجموعة الاعلامية ديال الصباح…. راه المدى عنها فيها 15 فالمائة

ثمن الصفقة وفق مصدر ل”كود” 120 مليون درهم ومصدر اخر متبع هاد الميدان قال باللي ما تفوتش 70 مليون درهم٬ مع الازمة كلشي خايف الا هاد المولوي.

من المساهمين الجدد بالاضافة الى الشيعي ناضر المولوي ووولدو رضى بالاضافة الي مراتو المغربية سعاد بناني وسونيرجيا اللي كانت ديال هاد اللبناني ودخلات فيها مجموعات مول البيسرتي زهير بناني

روينة وصافي

موضوعات أخرى

07/07/2020 00:00

باسم يوسف قصف المتخلفين والميزوجينيين: تشبيه المرا بالمصاصة تحقير ليها وانتزاع لآدميتها.. واللباس والشهوة الجنسية ماشي مبرر للتحرش – فيديو