كود كازا//

في واحد الملف كبير اللي كايتعتبر بمثابة “زلزال قضائي”، انفجرت فضيحة في عدد من محاكم الدار البيضاء، آسفي، الجديدة ومراكش، وهو الملف اللي باقي ما خداش حقو فالإعلام، رغم حساسيته وخطورته.

القضية اللي ولات حديث الكواليس القضائية، أطاحت بأكثر من 25 سمسار ووسيط من الطبقات البسيطة، بعضهم تمت المتابعة ديالو فحالة اعتقال، والبعض الآخر كيتابع فحالة سراح، فملف فيه معطيات كتخلع، خصوصا أن الأمر يتعلق بذكر أسماء عدد كبير من أصحاب “الامتياز القضائي”، اللي المفروض فيهم يكونو فوق الشبهات.

المفاجأة الأكبر، حسب ما يتم تداوله، هي أن أسماء ثقيلة فالجسم القضائي وردات فالمحاضر، وأسماء 18 واحد تجبدات إلى حد الساعة.. طبعا البراءة كتبقى هي الأصل، لكن كاينة أسئلة مشروعة مطروحة فهاذ الملف اللي بزاف من الناس للي ذكرو فيه باقين كيمارسو المهام ديالهم.

فواش ما خصناش نوقفو ونسولو: آش واقع بالضبط؟!