كود الرباط//

شوهة وفضيحة، ما بعدها فضيحة، وإهانة لدولة المؤسسات، فاش شركة سيكيريتي ف القطاع الخاص تمنع دخول الصحافة ل فان زون تيران مولاي الحسن لمتابعة ماتش المنتخب مع كندا.

الخطير هو ان الشركة يملكها سياسي اتحادي سميتو الساخي، مفرعن بزاف، حيث شابع مارشيات فالعاصمة، ومكاين لي وقفو حد حد، وطبعا كيكره الصحافة للي كتفضحو. دبا منعو الصحافة يدخلو، ويا حسرة بغاو غير يدخلو ياخدو بادجات خاصة بماتش اليوم.

السيكيرتي ماشي هو لي خصو يمنع دخول الصحافة، السيكيرتي مهمتو واضحة هي الامن الخاص، هي الحماية هي المساهمة ف التنظيم.. ولا دبا بلاصت السلطة .

كاع المجهودات لي كيديرهم الوالي اليعقوبي، فالعاصمة، كيجيو بحال هاد الساخي كيشوهو بكولشي. لا احترام للسلطة الرابعة ولا تنظيم مقاد. غير الفوضى.

خاص محاسبة هاد الشركة، على فعايلها وتصرفاتها المسيئة.

الصحافيين لي عندهم بطاقة المجلس الوطني للصحافة، عادي يدخلو وبمجرد يوريو بطاقة المجلس. لكن مع الساخي كولشي مرون. وهو فوق مؤسسة مجلس الصحافة.