وكالات //

نايضة ديال بصح فالكويت بعدما نساو اللي خدامين فواحد الصبيطار يدفنو دري صغير، وخلاوه فثلاجة الموتى أكثر من عام.

القضية كشف عليها محامي، بعدما وضح أن الموكل ديالو ماقالوش ليه أن ولدو اللي مات نساوه وسط لاموركَ لمدة عام وشهر و4 أيام بالتحديد.

القصة اللي وقعات أن الصبيطار قالو للعائلة أنهم غادي يتكلفو بدفن الرضيع اللي ولداتو مو ميت، لكن المسؤولين في الصبيطار استغلو أن الأب مبرزط مع الأم اللي مرضات ودخلات فحالة نفسية خايبة بسباب وفاة البيبي، ونساو الدري فالثلاجة، قبل ما يعيط ليه شي واحد ماكشفش على الهوية ديالو وقالو الخبر الصادم.