كود سبور//

تفرگعت قضية كبيرة قبل ماتش الديربي بين الوداد والرجاء الرياضيين، وما عندها علاقة بحضور او غياب الجمهور، ولكن عندها علاقة بالعمال اللي كانوا خدامين كايصلحو فتيران مركب محمد الخامس بالدار البيضاء، واللي كايتسالو رزقهم وجاو ياخدوه من التيران، وهما مجموعة ديال أفارقة جنوب الصحراء.

وجاو هاد العمال اليوم الجمعة لستاد دونور فالعشية كايطالبو بالمستحقات ديالهم، من المسؤولين اللي كانوا مخدمينهم، مع العلم ان الشركة المسؤولة على إصلاح التيران هي “سونارجبس”، وهي الشركة المكلفة بإنجاز وتدربير المنشآت الرياضية فالمغرب كامل.

والسؤال المطروح هو كيفاش هذه الشركة خدمات هاد العمال الاجانب، وواش احتارمت الشركة قانون الشغل خاصة داكشي اللي عندو علاقة بالضمان الاجتماعي والتغطية الصحية، دون الحديث على المستحقات والأجور اللي جاو يطالبو بها.