28/05/2023 17:41
بعد فرز الثلثين ديال الأصوات.. أردوغان كيتصدر النتائج الأولية للانتخابات الرئاسية التركية
كود الداخلة //
فضيحة وشمن فضيحة، داتها بلدية مدينة الداخلة لي بغات تولي قطب اقتصادي، بعدما قام ممثى إسباني مشهور وعندو متابعين كتار فمواقع التواصل بالسخرية على مقاعد كورنيش خليج الداخلة.
الممثل الصبليوني، “أهيكرانت ريديو” لي شارك فالمسلسل المعروف “لاكاسا دي بابيل”، جا فزيارة للداخلة ومشى يتسارا مع راسو حتى لقى كراسى بقى فيهم غير لكياص حيدو ليهم لخشب والرخام.
هاد الممثل صيفط رسالة لجماعة الداخلة، لي خلات هاد لكراسى بحالتهم ومشوهين المنظر وعطاو صورة خايبة على واقع التنمية لي كتتغنى بيه الداخلة فكل لقاء وفكل زيارة ديال شي وفد.
دابا البلدية ديال الداخلة طاحت فالمحظور والفضيحة ولات عالمية، وخاصها تحرك المصالح ديالها لإصلاح جميع هاد الكراسى لي شوهو المدينة، لي كيطمحو شي مسؤولين فيها باش تولي قطب اقتصادي إفريقي وهي ماقدات حتى تبدل كراسى ديال الكورنيش الوحيد لي كاين تما.
