وكالات//

تسببات فيديوهات فاضحة كيداولوها الناس على الإنترنت فحرمان سوفاني نوينونثونغ، اللي كانت ربحت لقب ملكة جمال براشواب خيري خان الكبرى لسنة 2026، من التاج ديالها غير نهار واحد بعد التتويج، حسب ما جابت صحيفة New Strait Times .

سوفاني، اللي معروفة حتى بلقب “بيبي”، كانت غادي تمثل الجهة ديالها فمسابقة ملكة جمال تايلاند الكبرى الوطنية 2026، ولكن المنظمين وقفو مشاركتها بعدما اكتاشفو عندها محتوى إباحي منتشر فالنت.

اللجنة المنظمة أكدت فبيان رسمي أن الأنشطة اللي دارتها سوفاني ما كتناسبش مع المبادئ والقيم ديال المسابقة، وقالو: “بالتالي، من الضروري نسحبو منها اللقب ونلغيو المنصب ديالها.”

من جهتها، اعترفات سوفاني بأنها فعلاً كانت هي اللي دارت داك المحتوى، وقالت إنها دارتو باش تعاون راسها وتعاون الأم ديالها اللي كانت مريضة وماتت من بعد.

ففيديو باكية نشراتو على فيسبوك، قالت: كنبغي نعتذر لعائلتي، ولمدير المسابقة، ولفريق العمل، ولزملائي، والأصدقاء، وكل واحد ساندني. هاد الواقعة كانت درس كبير بالنسبة ليا، وغادي نركز على تطوير راسي باش ما نعاودش نطيح فبحال هاد الأخطاء”.