وكالات//

شدو البوليس فولاية فلوريدا الأمريكية واحد الأستاذة ديال الماط عندها 32 عام، بتهمة أنها كانت كدير علاقة جنسية مع واحد التلميذ ديالها كان عندو 14 عام ديك الساعة، وداكشي كان فالقسم وقيت الغداء.

هاد الأستاذة سميتها سارة جاكاس، وكتخدم فمتوسطة كورنر ليك لي تابعة لمديرية مدارس مقاطعة أورانج فمنطقة أورلاندو. شدّوها نهار الاثنين ومثلات قدام القاضي نهار التلاث، كيما قالو الأخبار المحلية.

على حساب الوثائق ديال الاعتقال لي شافتها “فوكس نيوز ديجيتال”، التلميذ لي دابا عندو 16 عام قال بلي كان كيدير علاقات جنسية مع جاكاس بين ديسمبر 2022 وأبريل 2023.

مديرية المدارس العامة ديال مقاطعة أورانج قالت بلي جاكاس خدامة بعقد ديال عشرة شهور ومكتخدمش دابا حيت العطلة الصيفية.

المدير ديال المدرسة صيفط رسالة لأولياء الأمور أكد فيها بلي دارو تحقيق مشترك بين الأمن والمكتب ديال المعايير المهنية التابع للإدارة التعليمية، وشدد على أن “الموظفة ماغاديش ترجع للخدمة حتى يتسالا التحقيق”.

التلميذ لي شكا قال للمحققين بلي كان كيتغدى فالقسم ديال الأستاذة حيت كان كيلقا صعوبة باش يندمج مع صحابو. وأكد بلي كانو كيتبادلو الميساجات، حتى عرفو والديه بالأمر، وهادشي خلاها تستعمل حساب فالإنستغرام باش تواصل معاه بالسر.

على حساب وثائق التحقيق، العلاقة تكشفت من بعد من طرف راجل الأستاذة، لي هدد باش يبلغ عليها.