احمد الطيب كود ////
اي مارشي كيعلن عليه مهدي بنسعيد وزير الثقافة والشباب والاتصال كيهم شي نشاط٬ صحاب شركات ليڤيمانسيال عارفين باللي مريم ابيدزير باطرونة ديال “اڤون سين” غادية تاخدو. حتى ولاو هاد الشركات كيرفضو يجاوبو على طلبات العروض اللي كيعلن عليها حقاش عارفين غادية تمشي لهاد الشركة. تصورو وصلات بيهم الوقاحة حتى ولات “اڤون سين” كيتوجد الرواق قبل حتى ما تعرف باللي رابحة المناقصة.
هاد الشي وقع فاخر مارشي ديال رواق المغرب اللي غادي يكون ضيف فمعرض الكتاب بباريس فالشهر الجاي. محظوظة الوزير بنسعيد المسماة ابيدزير ربحات المارشي. حسب مصادر “كود” فهاد الشركة بدات توجد الرواق حتى قبل ما يتعلن على الاسم ديال شكون يربح المناقصة.
مصادر “كود” قالت باللي حتى حد ما بغى يجاوب طلب العروض اللي دارتو وزارة الثقافة. شوهة صافي. كلشي عارف الماتش محسوم قبل ما يتلعب السونتر.
دابا فضيحة بحال هادي علاش كلشي ساكت عليها.
