الرئيسية > جورنالات بلادي > فضيحة الوزير بنسعيد.. “العمرة” استحوذات على صفقة تجهيز 150 سينما فالمغرب ب138 مليون
02/08/2022 09:00 جورنالات بلادي

فضيحة الوزير بنسعيد.. “العمرة” استحوذات على صفقة تجهيز 150 سينما فالمغرب ب138 مليون

فضيحة الوزير بنسعيد.. “العمرة” استحوذات على صفقة تجهيز 150 سينما فالمغرب ب138 مليون

اسماء غربي – كود//

بداية هاد العام كشف وزير الشباب والثقافة والتواصل، المهدي بنسعيد على مشروع افتتاح 150 قاعة سينمائية قبل ما تسالي 2022، وقال انه غادي يتم من خلالو تجهيز قاعات دور ثقافة وشباب.

من بعد 6 اشهر على الاعلان لي دارو الوزير في حلقة مع بلال مرميد، علنات المجموعة الدولية -العمرة- المتخصصة في مجال التكنولوجيا الأمنية ديال ادريس بنعمر أنها خدات صفقة تجهيز 150 قاعة سينمائية مقابل 138 مليون درهم، وهادشي خلا المنافسين يحتجو ضد الاقصاء ديالهم.

موقع “لوديسك” قال أن وزارة الشباب والثقافة والاتصال طلقات شهر يونيو لي فات استشارة باش تشري الماتريال لي غادي يحتاجوه القاعات السينمائية، وهادشي مقسم على جوج أقسام، فيه بروجكتور ديال الفيديو والشاشات الكبيرة والماتريال ديال الصوت وزيد وزيد.

نفس المصدر قال أن الدفعة الأولى ساوية 59.4 مليون درهم غادي تغطي جهة طنجة تطوان الحسيمة، والجهة الشرقية وفاس مكناس، والرباط سلا القنيطرة، ودرعة تافيلالت، أما الثانية المقدرة بـ 56.6 مليون درهم فيها جهة الدار البيضاء-سطات، بني ملال خنيفرة ، مراكش-آسفي، سوس ماسة، العيون-الساقية الحمراء، الداخلة-واد الذهب وكلميم واد نون.

من بين البنى التحتية المستهدفة كين قاعة باحنيني و ISADAC وحتى مسرح عفيفي في الجديدة، والمعهد الموسيقي في آسفي، ومسرح تازة ولاليست طويلة.

بنسعيد حدد فترة انجاز المشروع في 4 شهر. وهاد المدة القصيرة فسرها الأمين العام في قسم الثقافة بالتزامات الوزارة اتجاه شركائها، وفي إطار سياسة البرمجة الفنية والثقافية في جميع أنحاء المملكة.

فوز ادريس بنعمر بالصفقة خلا بزاف ديلل المنافسين المعروفين في القطاع يحتجو ومعجبهم حال.

https://ledesk.ma/2022/07/29/al-omra-rafle-le-marche-de-lequipement-des-150-salles-de-cinema-sur-fond-de-polemique/

موضوعات أخرى