الرئيسية > آش واقع > فضيحة. إقليم بحال القنيطرة كيجيب لبنات من طاطا يخدمو فالكابلاج.. واش سالات البطالة فالغرب؟ وعلاش لانابيك كتشتارط غي لبنات؟ – وثيقة
19/02/2021 16:00 آش واقع

فضيحة. إقليم بحال القنيطرة كيجيب لبنات من طاطا يخدمو فالكابلاج.. واش سالات البطالة فالغرب؟ وعلاش لانابيك كتشتارط غي لبنات؟ – وثيقة

فضيحة. إقليم بحال القنيطرة كيجيب لبنات من طاطا يخدمو فالكابلاج.. واش سالات البطالة فالغرب؟ وعلاش لانابيك كتشتارط غي لبنات؟ – وثيقة

كود القنيطرة //

أعلنت لانابيك (الوكالة الوطنية لانعاش الشغل وتشغيل الكفاءات) فمدينة طاطا عن طلب تشغيل 300 بنت فالكابلاج.

اللي كيشوف هاذ الإعلان كيتساءل واش سالات البطالة من إقليم القنيطرة اللي فيه أكثر من 700 ألف نسمة باش تستورد اليد العاملة من طاطا اللي الساكنة ديالها أقل من 100 الف نسمة أكثر من نصهم كيتواجدو فمدن أخرى.

وحتا يلا مكيناش اليد العاملة فالقنيطرة شوفو أقاليم الغرب بحال سيدي قاسم و سيدي سليمان و سوق لاربعا و العرائش و سلا و الأقاليم المجاورة.

مزيان نخدمو بنات طاطا و لكن باش نخدمو بنات بعيدا عن أسرهم بألف كيلومتر  و بالسميكَ واش يكريو بها و لياكلوا بها ولا يركبو منها ؟

وعلاش ميخدموهمش فمدن قريبة ليهم شوية بحال مراكش و أكَادير حدا عائلاتهم؟

هاذ الإعلان دارتو الوكالة ديال طاطا، و كيشتارط يخدمو غي لبنات اللي عندهم الباكالوريا، وكيبين انه فعلا كاين شي معايير وشي حسابات ماشي هيا هاذيك فتدبير عروض التشغيل الهزيلة على علتها.

موضوعات أخرى

25/02/2021 09:00

لله يا جزاير وليتي كتسعاي. كيفاش جينرالات الحكم قابلين الذل وكيسعاو 200 الف ڤاكسان من الصين وجيرانهم اللي هما حنا وصلنا لـ3 مليون اللي دارو اللقاح