أنس العمري-كود///

فضيحة إصابة 16 مريض بالعمى بعدما خداو حقن فالعين فسبيطار 20 غشت فكازا غادة كتكبر. فوفق ما علمته “كود” الوكيل العام باستئنافية الدار البيضاء دخل على خط هذه المأساة، بإعطاء تعليماته إلى الفرقة الوطنية للشرطة القضائية لفتح بحث في القضية، وذلك في الوقت لي مفتوح تحقيق داخلي بالمستشفى، التابع لموريزكو، للوقوف على حيثيات وملاباسات هاد الواقعة، لي كلشي كيتساين باش غادي تسالي.

وتشير مصادر “كود” إلى أن الفرقة الوطنية باشرت أبحاثها بالاستماع، اليوم الجمعة، إلى مرضى من المصابين بهاد المضاعفات الضحية الناجمة عن العملية لي خضعوا ليها.
وتستخدم الحقن لي اعتمدت في علاج المرضى مع بعض الحالات لإيقاف ضعف وفقدان البصر الناتج التنكس البقعي. لكن مع هاد المرضى الـ 16 كان هاد الدوا سبب فأنهم دا ليهم الشوف.