الرئيسية > آش واقع > فضيحة أمكراز أمام لجنة النزاهة والشفافية..ومصدر لـ”كود”: قيادة البي جي دي تالفا واللجنة غاتخرج بتقرير
23/06/2020 14:30 آش واقع

فضيحة أمكراز أمام لجنة النزاهة والشفافية..ومصدر لـ”كود”: قيادة البي جي دي تالفا واللجنة غاتخرج بتقرير

فضيحة أمكراز أمام لجنة النزاهة والشفافية..ومصدر لـ”كود”: قيادة البي جي دي تالفا واللجنة غاتخرج بتقرير

كود الرباط//

علمت “كود” من مصدر مطلع أن فضيحة عدم تسجيل مكتب المحاماة التابع لوزير الشغل والادماج المهني، محمد امكراز، لمستخدميه بالصندوق الوطني للضمان الاجتماعي، وصلت للجنة النزاهة والشفافية التابعة لحزب “العدالة والتنمية”. وغادي يكون لقاء خاص غاتنقش فيه.

وحسب ذات المصدر فإن قضية أمكراز ستتم مدارستها من كافة الجوانب، خصوصا وأن مكتب المحاماة اللي تابع ليه ف أكادير حاول يصحح الفرطة ووقع ف الفضيحة ديال تسجيل المستخدمين يوم الجمعة 19 يونيو الجاري.

“كود” اتصلت بنائب رئيس لجنة النزاهة والشفافية سعيد خيرون، لي رفض يعطي أي معطيات بهذا الخصوص، مكتفيا بالقول :”فاش غادي نخرجو غادي نعطيو التصريح”.

لجنة النزاهة كانت علنات بلي غادي درس قضية الرميد، لي كانت خفيفة وأقل مقارنة مع فضيحة امكراز. خصوصا وأن عائلة المرحومة الكاتبة ف مكتب محاماة الرميد، شكرات الأخير وقالت بلي المرحومة هي لي كانت مسؤولة على الامور الادارية والمالية.

حسب مصدر قيادي ف البي جي دي لـ”كود” فإن “القضية ديال CNSS خربقاتهم وطبيعي غايديرو شي خرجة مدروسة”، مضيفة :”التقرير ديال لجنة النزاهة غادي يكون تقرير فيه الموضوعية والشفافية ولي فرط يكرط”.

وعلمت “كود” أن الأمانة العامة لحزب العدالة والتنمية عقدت لقاءا لها يوم أمس الاثنين، حيث توقعت مصادر “كود” أن تتم مناقشة قضيتي الرميد وأمكراز، وهو الأمر الذي لم يتم تأكيده من قبل عضوين في الامانة العامة ربطت كود الاتصال بهم.

موضوعات أخرى