وكالات//

السلطات فكوريا الجنوبية شدّات شابة عندها 21 عام، مشكوك فمشاركتها فقتل جوج رجال، من بعد ما بان باللي استعملات برنامج الذكاء الاصطناعي ChatGPT فالتخطيط للجريمة، حسب تقارير بي بي سي وكوريا هيرالد.

وتشدّات “كيم” نهار 11 فبراير فالأول بتهمة التسبب فإصابة جسدية اللي أدّت للوفاة، ومن بعد من التحقيقات طلعات نية القتل فالسجل الرقمي ديالها والتصرّفات ديالها فالإنترنت، وطلعات التهمة القتل العمد.

كيقولو باللي أول هجوم مميت وقع نهار 28 يناير، ملي مشات كيم مع واحد الراجل فالعشرينات ديال عمرو لفندق صغير فحي غانغبوك فـسيول، وعطاتُه شراب مخلط بمهدّئات. ولقّاو الراجل ميت فنهار الغد.

أما الهجوم الثاني فوقع نهار 9 فبراير، وبنفس الطريقة تقريبًا، مع راجل آخر فالعشرينات ديالو، ففندق آخر فالعاصمة سيول.

والتحقيقات كتبيّن حتى محاولة قتل سابقة فدجنبر 2025، ملي عطّات كيم لشريكها شراب مخلط بالمهدّئات فمدينة ناميانغجو، وتسبّبات ليه ففقدان الوعي.