الرئيسية > آش واقع > فضايح ناصر. ناس بوريطة كيدافعو عليه بالمال العام باش يقولو: ما كاين غير هو وسانشيز صدمو: حتى تجي حكومة جديدة ونهدرو
24/09/2021 11:30 آش واقع

فضايح ناصر. ناس بوريطة كيدافعو عليه بالمال العام باش يقولو: ما كاين غير هو وسانشيز صدمو: حتى تجي حكومة جديدة ونهدرو

فضايح ناصر. ناس بوريطة كيدافعو عليه بالمال العام باش يقولو: ما كاين غير هو وسانشيز صدمو: حتى تجي حكومة جديدة ونهدرو

كود كازا ///

باينة شي قرصة فلوذن خلات ناصر بوريطة وزير الخارجية والتعاون. الوزير بدا كيدير انشطة كثيرة فهاد الوقت اللي رئيس الحكومة المكلف كيجمع اغلبيتو وكيقادها. الوزير الوحيد اللي كيتطرا مع حكومة تصريف الاعمال فانتظار الحكومة الجديدة.

بوريطة كان مبرمج لقاءات مع عدد من وزراء الخارجية منهم ديال المكسيك. شوفو على وقاحة. لكن يبدو ان التصرفيقة او القرصة فيقاتو. ما دارتش هاد الانشطة.

تصرفو مع وزير خارجية اسبانيا فهاد الوقت اللي الملك كيقول شخصيا انا اللي مكلف بالملف٬ تخربيقة اخرى لهاد الوزير المغرور كاره لعيالات للي عندهم شخصية.

جاتو تصرفيقة اخرى ولكن هاد المرة من رئيس الحكومة الاسباني بيدرو سانشيث. هادا الاخير قال باللي كيتسنى تشكيل الحكومة الجديدة في المغرب لمواصلة إعادة العلاقات. هذا كيعني بوضوح. يا بوريطة ومالك كطير. راه باش كتكون حكومة كتشكل. ما يمكنش نتلاقاو بوزير خارجية ممكن بعد اسبوع يمشي فحالو.

هاد الشي بلا ما نهدرو على فضيحة جائزة خاوية تعطات للملك وهاد بوريطة وناسو ما دارو والو.

اه دارو دارو. هاد ليام ناس بوريطة مكلفين بحاجة اخرى. الفايسبوك ووسائل التواصل الاجتماعي الاخرى كيقولو للمغاربة راه ما كاينش احسن من بوريطة. كيوظفو المال العام باش يقنعونا بهاد الشي.

وشوف الغرور فين وصل بهاد الانسان

موضوعات أخرى