كود الرباط//

تعرض مصور “كود” حسني دكالي، اليوم السبت 20 أبريل 2024، لاعتداء شنيع من قبل مهندس معماري، أثناء قيامه بتغطية نشاط خاص بهيئة المهندسين المعماريين بالرباط.

وتعود تفاصيل الاعتداء، خلال الجمع للهيئة الوطنية للمهندسين المعماريين، بمقر المكتبة الوطنية بالرباط، عندما قام مصور “كود” بتصوير احتجاج مهندسة على ما يقع فالمؤتمر. طلبت تدخل البوليس لوقف المهزلة.

ها الفيديو ديال الواقعة:

الفضيحة ان واحد من المهندسين تدخل بشكل وحشي (كما توثق كاميرا كود)، ضد المصور، وسبو وقاليه علاش كتصور هادشي وعلاش جيتي وشكون جابك.

المهندس اللي شوه بالهيئة ديالو مكفاتوش يتدخل ويهرس الكامير بل خاطب المصور بلغة كتبين مستوى ديالو وقال :” داك الحمار متصورش شكون جايبك”.

الهيئة ديال المهندسين عرفات بلي المهندس غلط ومشات طلب السماحة من المصور، والفضيحة بغاو منو يسكت مقابل يعطيوه تعويض. طبعا المصور رفض ياخد فلوس مقابل يسمح ومتمسك ياخد حقو بالقانون.