الرئيسية > آش واقع > فضايح فكازا. كتخسر حتى 35 مليون درهم شهريا. فعز ازمة الطاقة بولات ملعب محمد الخامس شاعلين بالنهار. خبير: كضيع حوالي الفين درهم فالساعة والخسارة تقدر توصل ل35 مليون درهم فالشهر
26/09/2022 12:30 آش واقع

فضايح فكازا. كتخسر حتى 35 مليون درهم شهريا. فعز ازمة الطاقة بولات ملعب محمد الخامس شاعلين بالنهار. خبير: كضيع حوالي الفين درهم فالساعة والخسارة تقدر توصل ل35 مليون درهم فالشهر

فضايح فكازا. كتخسر حتى 35 مليون درهم شهريا. فعز ازمة الطاقة بولات ملعب محمد الخامس شاعلين بالنهار. خبير: كضيع حوالي الفين درهم فالساعة والخسارة تقدر توصل ل35 مليون درهم فالشهر

كود كازا سعيد الشاوي ///

اللي كيدوز من حدا ملعب محمد الخامس بالدار البيضاء كيبانو ليه بولات شاعلات بالنهار. الطاقة كضيع فابور فزمن ولات الطاقة غالية بزاف. الدولة كتقول باللي خاص تزير السمطة مزيان حقاش العالم كولو كيعيش ازمة طاقة غير مسبوقة بسباب الحرب فاوكرانيا والاستهلاك المرتفع لها فالعالم ما بعد كوفيد…

دابا شي حد من مسؤولي كازا كيروج لكذبة كبيرة وغبية وهي ان هاداك النوع من البولات خاصو يشعل ما بين نص ساعة وساعة فالنهار باش ما يخسرش. طبعا كذوب هاد الشي. خبير فالطاقة سولاتو “كود” فكان ردو “هاد الشي كذوب. هاد النوع من البولات اللي كاين دابا راه من الجيل الجديد” ثم كاينة حاجة اخرى واش كاين شي ملعب فالعالم عندو هاد النوع من البولات اللي خاصو ضروري يشعل؟ اللا. اذن ناس كازا كذابة وكيغطيو على فضيحة كبيرة.

ثم مع هاد الازمة ديال الطاقة راه خاص الماتشات ما يبقاوش يتلعبو بالليل غير اقتصادا فالطاقة. شوفو العالم اش كيدير. شوفو اش من اجراءات دارتها اوربا.

الخبير فالطاقة اكد ل”كود” ان “ليديك” كتبيع للجماعة=ثمن مختالف للمواطن= الكيلو واط ب200 دراهم وبعملية حسابية راه تقدر تخسر فالساعة الفين درهم.

وكان يونس معمر المدير العام السابق للمكتب الوطني للكهرباء نشر هادي عامين فعز كورونا تدوينة فيها تفاصيل كثيرة على ضياع الانارة العمومية. فهاد التدوينة هدر بالفعل على الضو فمركب محمد الخامس اللي ديما شاعل وقال باللي كاينة خسارة كبيرة وخاص عقلنة هاد القطاع والقطع مع الضياع. واكد فتدوينة اخرى باللي ممكن نقتاصدرو حتى 30 بالمائة من الطاقة باجراءات بسيطة وباللي ممكن نربحو ما بين 10 الى 35 مليون درهم فالشهر. هاد المبلغ يمكن استثمارو فالدعم لاقلاع بعد مرحلة الكوفيد. اي هاد المرحلة

ولكن حتى حد ما سمعو. ماشي غير هاد الشي بل مازال البولات شاعلين وهادي فضيحة كبيرة

موضوعات أخرى