الرئيسية > ميديا وثقافة > فضايح دوزيم عطات ريحتها. صحافي فيها فرش مدير وكاتب عام باتهامات خطيرة
28/10/2021 07:00 ميديا وثقافة

فضايح دوزيم عطات ريحتها. صحافي فيها فرش مدير وكاتب عام باتهامات خطيرة

فضايح دوزيم عطات ريحتها. صحافي فيها فرش مدير وكاتب عام باتهامات خطيرة

كود كازا//

كشف صحافي بدوزيم اللثام عن كوارث في القناة، تفاوتات في الأجور وتواطؤ مدير الاخبار في القناة وصمته مقابل شبه تلقي امتيازات ورشاوى لشراء صمته بل التلاعب به كيفما بغاو.

هاد الصحافي لي فجر هادشي عندو الجرأة خصوصا أن النقابة دايرة عاين ميكة بل ومتواطئة مع الإدارة فيما يجري لنقل جل أعضائها.

من الصحفيين الذين تدور حولهم شبهات فساد واحد كان صحفي عادي فجريدة بيان اليوم دخل مع دخول الحزب مول الجريدة للحكومة ضبرو عليها الى ان اضحى الكاتب العام لمديرية الاخبار وأصبح اليد اليمنى لمدير الاخبار وبينهما مصالح التوظيف والتداريب هي مشبوهة ومرتبطة بمعهدين خاصين وحدهما وفقط لان مدير الأخبار هو واحد من الطاقم البيداغوجي ديالهم بجوج يحصل على راتب شهري مهم مقابل توفير التداريب وفرص الشغل وهو ما حصل مباشرة بعد مغادرة سيطايل واستفراده بمديرية الاخبار.

المهم لنعد الى الكاتب العام مول الفيلا، السيد خرج تقاعد بداية العام وضبر ليه صاحبو مدير الاخبار في عقد فريلانس، يعني ان خرج من الباب ورجع من النافذة.

هاد العقد فيه انه يقدم برنامج الوسيط على دوزيم، لكن الأخطر هو هاد المتقاعد مزال هو الكاتب العام.

كيف يعقل ان يتم التمديد له بعقدة في هذا المنصب ديال المسؤولية؟ الجواب واضح حتى يتم مجازاته على تواطئه وكذا لأنه يعرف خبايا التوظيفات المشبوهة التي تمت في الاونة الأخيرة.

لنعد الى مدير الاخبار حميد ساعدني لي كيتخلص من معهد درب عمر ومعهد طلال فلوس صحيحة كيجيب متدربين وعاطيهم الأسبقية كما ان الطلبة بنفسهم يقال لهم في هذه المعاهد بضمان التداريب لان عندهم فلان وفلان.

دابا لي مطلوب من المسؤولين هو يحققوا فهادشي، التدريس ماشي عيب لكن ان يصبح على حساب أمانة ومسؤولية ديال قناة عمومية فهذا حرام وغير مقبول.

للإشارة سميرة سيطايل كانت عاطية قيمة لراسها مكانتش تقبل بحال هاد السمسرة لي ولى داير لي عوضها فمديرية الاخبار، و بزاف على اللهطة.

موضوعات أخرى

29/11/2021 23:00

ها الصح.. المغرب هو البلد الإفريقي الوحيد اللي قرب من المعايير الأوروبية الخاصة بنسب التلقيح ضد كورونا.. 60 فالمية من السكان خداو الفاكسان و الدزاير مليوحة اللور ب 11 فالمية