الرئيسية > ميديا وثقافة > فضايح حكومة بنعرفة مع الاعلام. فردوس تلاقى مع جمعية فيها باه ورفض يستقبل “الفيدرالية” وبرلمانيون من حزب رئيس الحكومة عوض ما تهاجمو مشات للوزير
13/07/2020 09:00 ميديا وثقافة

فضايح حكومة بنعرفة مع الاعلام. فردوس تلاقى مع جمعية فيها باه ورفض يستقبل “الفيدرالية” وبرلمانيون من حزب رئيس الحكومة عوض ما تهاجمو مشات للوزير

فضايح حكومة بنعرفة مع الاعلام. فردوس تلاقى مع جمعية فيها باه ورفض يستقبل “الفيدرالية” وبرلمانيون من حزب رئيس الحكومة عوض ما تهاجمو مشات للوزير

كود كازا ///

علمت “كود” ان فردوس اللي عا تا ولى وزير للشبيبة والرياضة ومكلف بالاعلام رفض لحد الان حتى يجاوب على اتصالات فيدرالية الناشرين المغاربة اللي شكلات مكتبها هادي ايام ولى نور الدين مفتاح رئيسها. الوزير لحد الان تلاقى مع جمعية الاعلام والناشرين اللي تأسسات مؤخرا وكيرأسها عبد المنعم دلمي.

مزيان ان لوزير يتلاقى مع اي جمعية كتمثل الناشرين ولكن خاصو يتلاقى مع كلشي ما يديرش الانتقائية. هو غادي يتحط فموقف مقود بزاف. باه عطاوه عضوية شرفية فجمعية اللي كيرأسها دلمي ورفضو استقبال فيدرالية مفتاح غادي يخلق ليه مشكل هو في غنى عنو.

المشكلة ان البي جي دي من خلال برلمانييه هاجمو جمعية دلمي بلا سبب مقنع وانتاقدو الوزير ونساو باللي رئيس الحكومة من حزبهم. هاد بنعرفة اللي بحال خبز ربي فطبگو ما كيحط ما كيهز. ايلى عندهم الشجاعة يسبو رئيس الحكومة ولا يكون عندو هاد اللي كيسير الحكومة ظاهريا ويتلاقى بجوج الناشرين. اما التقلاز من تحت الجلابة اللي داير البي جي دي ما بقى عندو معنى مع بنعرفة. كان عندو علاش مع بنكيران اما هادا فغير كتخربقو

موضوعات أخرى