كود كازا ////

القطب العمومي فضيحة وشوهة للاعلام وكذبة على لمغاربة. لا ادارة مقادة لا منتوج يليق بخدمة عمومية. دابا فيصل لعرايشي اللي فشل فجامعة التنس وعطاوه اللجنة الاولمبية باش ينقل ليهم خلودو فالقطب العمومي للاعلام المغربي.

لا “الاولى” “اولي” ولا دوزيم” بقات كيف كانت اما دوك القنوات لخرى فما فيها ما يتشاف.

من نتائج هاد التخربيقة فضايح حتى فامور بسيطة فالادارة. حسب ما عملته “كود” تم اختيار صحافي متعاون باش يدير تغطية لمشاركة رئيس الحكومة٬ ممثلا لسيدنا: فاجتماع منظمة المؤتمر الاسلامي بياوندي الكاميرونية يومي 29 و30 غشت اللي حنا فيه. لفضيحة للي وقعات هي المطالبة للصحافي باش يخلص 30 الف ريال اي 1500 درهم مصاريف الڤيزا.

دابا اصغر مقاولة اعلامية فالبلاد ما ديرش هاد التصرف. كيفاش هولدينك كبير توصل بيه القضية لهاد الدرجة