گود سبور//

مسلسل فضايح الكورة السنغالية ما غاديش يسالي، وكل مرة كاتبان شي شوهة جديدة، وها المرة نايضة بين الاتحاد السنغالي لكرة القدم ووزارة الرياضة السنغالية.

وحسب وسائل إعلام سنغالية، فوزارة الرياضة السنغالية علمت الاتحاد السنغالي لكرة القدم، عن رفضها اداء تعويضات إنهاء مهام المدرب السابق للمنتخب السنغالي بايي ثياو، اللي طيروه بعد المشاركة الكارثية فمونديال 2026.

وأكد وزارة الرياضة السنغالية على الاتحاد السنغالي لكرة القدم، أنه إلى بغا يصيفط المدرب بحالو خاصو هو اللي يتحمل تكاليف التعاقد معه.

وكايعيش الاتحاد السنغالي لكرة القدم ازمة كبيرة منذ اشهر، نتيجة التسيير العشوائي للرئيس ديالو عبدولاي فال، لدرجة ان المدرب بابي ثياو بقا خدام مع المنتخب السنغالي بلا عقد من شهر فبراير اللي فات، حتى هدد بأنه ما غاديش يمشي لمونديال 2026 فيونيو اللي فات، قبل ما يتدخل رئيس السنغال ويحل المشكل.

وهذا الشي من غير المصايب اللي دارو المسؤولين السنغاليين فالمونديال ومن بينها انهم ما كانوش مسورين على اللاعبين فميريكان وما داروش لهم التأمين الصحي وغيرو، وهذا الشي فتحت بسبابو وزارة الرياضة السنغالية تحقيق، والمصيبة ان هذا القرار يقدر يتسبب فتوقف الكورة فالبلاد، حيث الفيفا والكاف كايمنعو تدخل اي جهة حكومية فالاتحادات الوطنية.