وكالات//
مزال الفضايح ديال الألعاب الأولمبية لي كاينا دابا في العاصمة الفرانساوية باريس، مابغاتش تسالي، وآخر الضحايا ديالها، لاعبة التنس العالمية سيرينا ويليامز.
وكتبات نجمة التنس العالمية لي كانت من بين الحاملين للشعلة الأولمبية في الافتتاح، على الكونط ديالها على تويتر أن واحد لوطيل منعها هي ولادها باش يدخلو لواحد الريسطو.
وقالت ويليامز: “يا رباه، واحد الريسطو خاوي فوق واحد لوطيل، ماخلانيش ندخل أنا وولادي باش نتعشاو، هادي أول مرة كتوقع ليا ولولادي”.
وقدم لوطيل الاعتذار ديالو لويليامز، وبرر هادشي أن الطوابل كاملين كانو مريزيرفيين من كليان خرين.
