كود الرباط//

مهرجان ربافريكا لي كتنظمو وزارة الثفافة والشباب والتواصل للي شادها الوزير البامي المهدي بنسعيد، بان بلي مهرجان ضعيف بزاف تنظيميا ولوجستيكيا وحتى فنيا.

البارح كان أسوأ أيام المهرجان، الفوضى والاعتقالات والإسعافات الاولية للجمهور لي سخف بسبب التدافع وغيرها من السلوكات اللي كتفضح سوء تنظيم وزارة بنسعيد لمهرجان تعطا لشركات قريبة له كتنظمو.

اضافة الى هادشي، الصحفيين والمصوريين تعرضوا الاهانة من طرف الشركة المنظمة لي مخلاتهم يدخلو للدار وياخدو تصاور وفيديوهات ومداروش ليهم بلاصة فين يجلسو ويخدمو كيف كيديرو باقي المهرجانات.

هاد المهرجانات للي كيدير بنسعيد وفيه الروابا والموسيقى الشبابية كدار غير فالعاصمة، في حين ان المدن الاخرى نصيبها من مهرجانات وزارة الثقافة قليل، وحتى يلا تنظم شي مهرجان كيكون عادي ومحلي وصغير، في حين بنسعيد كيكثر الانشطة فرباط وكولشي عارف بلي عينو يكون عمدة المونديال للعاصمة الرباط.

وزير مقادش ينظم مهرجان  صغير وباغي يولي عمدة العاصمة.

قدموه لجمهورهم بالجلابة المغربية.. الأهلي المصري فرحانين بعطية الله وهويتو المغربية

اختارو المسؤولين دالأهلي المصري تقديم لاعبهم الجديد المغربي يحيى عطية الله بلمسة مغربية.

وخلال فيديو تقديم يحيى عطية الله لجماهير الأهلي والكرة المصرية، بان النجم الودادي السابق وهو لابس الجلابة المغربية اللي تعتبر تراث مغربي وتعريف بالهوية المغربية.

وسناو الأهلي المصري مع يحيى عطية الله مدة موسم واحد بريطي من سوتشي الروسي، مع إمكانية شراء العقد بشكل نهائي.