الرئيسية > الزين والحداكة > فزمان كورونا.. المنشطة زينب صابر طالع ليها الدم: واش ماشي من حقي ندخل لبلادي نخدم ونرجع
18/09/2020 23:00 الزين والحداكة

فزمان كورونا.. المنشطة زينب صابر طالع ليها الدم: واش ماشي من حقي ندخل لبلادي نخدم ونرجع

فزمان كورونا.. المنشطة زينب صابر طالع ليها الدم: واش ماشي من حقي ندخل لبلادي نخدم ونرجع

نجوى المالحي-كود//

بزاف ديال القيل والقال تابع المنشطة التلفزية زينب صابر لي مستقرة في تونس بحكم أن راجلها تونسي، ولي كتجي للمغرب باش تخدم في برامج بحال “صحتي” و”ستاند آب”، وقبل منهم بجوج “تغريدة”.

البارح زينب طلع ليها الدم وخرجات كتوضح للناس وتجاوب بعدما بزاف خلاولها تعاليق كيتناقدوها فيها حيت مساكناش في المغرب وكتدخل تخدم وتخرج..

وكتبات زينب:”بزاف ديال الناس كيكتبو ليا كيفاش أنني كنجي من تونس للمغرب باش نشد برنامج وبنادم گالس بلا خدمة. علاش انا ماشي مغربية. ماعنديش الحق نخدم في بلادي. الأرزاق بيد الله. نبغيو الخير لبعضياتنا”.

الهضرة لي جاوبات عليها زينب ماكيناش غير في العالم الافتراضي وإنما حتى في الواقعي، وبزاف من المحيطين بها ضارهم راسهم على شكون البيسطون لي عندها.

موضوعات أخرى