كود سبور//

قرر نادي جمعية سلا تغيير المدرب ديال الفريق، وتعيين مدرب جديد بسبب الوضع الصعيب اللي كايعيشوه والنتائج السلبية اللي حصدوها هذا الموسم.

واتخذ المكتب المسير للجمعية الرياضية السلاوية لكرة القدم قراره بتعيين اللاعب السابق للفريق الحسين أوشلا كمدرب جديد، فبلاصة رشيد الغفلاوي اللي صيفطوه بحالو هو والمساعد ديالو عبد الله المعروفي.

ويعيش نادي جمعية سلا ظروف صعيبة، ودابا هو ممارس فقسم الهواة ومحتل للمركز ما قبل الأخير بـ11 نقطة، بعد مرور 18 جولة، والمهمة ديال أوشلا هي يصوفيهم.