كود سبور//
فارق الدراج الفرنسي فريديريك بودري الحياة، بسبب حادث خلال المشاركة ديالو فرالي المغرب حسب ما أعلنت عليه اللجنة المنظمة.
وفبلاغ لها، وضحت اللجنة المنظمة لرالي المغرب، أنه البارح الاثنين وخلال مرحلة رالي المغرب اللي كاينة حاليا فزاگورة، طاح الدراج الفرنسي فريديريك بودري، فالكثبان الرملية عند الكيلومتر 97، وتم التدخل بسرعة للإسعاف ديالو ونقلو بالمروحية للسبيطار فزاكورة فين فارق الحياة مع 4:45 دقيقة ديال العشية.
وحسب اللجنة المنظمة فهادي هي المرة الثانية اللي كايشارك فيها الدراج الفرنسي فريديريك بودي بالدراجة النارية ديالو فرالي المغرب، وقدمو التعازي للعائلة ديالو.
