كود سبور//

كايبان أن الأزمة بين الدولي الفرنسي كيليان مبابي نجم ريال مدريد الإسباني، والجمهور الفرنسي غاتزيد تكبر، خصوصا بعد التقارير الإعلامية الفرنسية اللي كانت خرجت قبل اسابيع كاتقول انه كايعزل الماتشات اللي يلعبهم مع منتخب فرنسا، ودابا الناخب الفرنسي ديديي ديشامب اختار اللاعبين اللي غيكونو فماتش الفرارج ضد اسرائيل والطالبان وما عيطش له.

واعلن ديدي ديشامب على اللاعبين اللي غايلعبو مع فرنسا ماتشات دوري الأمم ضد إسرائيل (14 نوفمبر) وإيطاليا (17 نوفمبر)، وما عيطش على الكابيتان كيليان مبابي، اللي كان غائب حتى فالشهر اللي فات على ماتشات فرنسا، وبرر ديشامب على ما عيطش له وقال: “هذا الشي مزيان لكل شي وما كاين لاش نزيدو نحكرو فالمشاكل الرياضية”.

ومن شأن غياب كيليان مبابي المتكرر يطرح علامة استفهام كبيرة، وتساؤلات كثيرة خصوصا وأن الطريقة اللي جابو بها مدرب فرنسا، كاتدل على أن اللاعب ما مرتاح يجي للمنتخب الفرنسي حاليا او أن المشكل ولا حتى مع المدرب.