الرئيسية > آش واقع > فرنسا لمريكان: الخروج من أزمة الغواصات كيتطلب وقت وأفعال
24/09/2021 06:00 آش واقع

فرنسا لمريكان: الخروج من أزمة الغواصات كيتطلب وقت وأفعال

فرنسا لمريكان: الخروج من أزمة الغواصات كيتطلب وقت وأفعال

كود وكالات//

أكد وزير الخارجية الفرنسي جان إيف لودريان، لنظيرو الأمريكي أنتوني بلينكن، خلال لقائهم ف نيويورك، اليوم الخميس، أن الخروج من الأزمة الحالية بين البلدين، كيتطلب وقت وأفعال، وهادشي من بعد التوتر الأخير اللي وقع بيناتهم بسباب “أزمة الغواصات”.

وأضاف أن “الاتصال الهاتفي بين الرئيس الفرنسي إيمانويل ماكرون ونظيرو الأمريكي جو بايدن كان خطوة أولى ف إطار عملية المشاورات العميقة اللي كتهدف إلى إعادة الثقة بين البلدين”.

وكاينة حالة من الاستياء داخل الحكومة الفرنسية بعدما تخلات أستراليا على صفقة دفاعية بقيمة 66 مليار دولار مع فرنسا، للدخول ف شراكة استراتيجية ثلاثية جديدة مع بريطانيا والولايات المتحدة الأمريكية.

وبموجب الشراكة اللي سميتها “أوكوس”، تخلات أستراليا عن شراء 12 غواصة قتالية فرنسية كتخدم بالديزل، مقابل شراء غواصات أمريكية نووية.

ووصف وزير الخارجية الفرنسي جان إيف لودريان انسحاب أستراليا من الاتفاق بأنه “طعنة ف الظهر”.

وتسبب إلغاء عقد الغواصات اللي توقيع ف عام 2016، ف أزمة دبلوماسية، حيث استدعت باريس سفرائها من واشنطن وكانبيرا.

موضوعات أخرى

23/10/2021 12:00

علاش العلاقات المغربية الإسبانية مزال واقفة ومابغاتش تزيد الكَدام؟.. هادي سوارتها السحرية اللي ماباغاش إسبانيا تستعملهم 

23/10/2021 11:00

الناس عيات من السعاية فـ طوبيسات طنجة.. كيطلعو و فـ الطريق كاملة وهوما كيسعاو فاص أفاص مع الركاب اللي كرهو الطوبيس واللي يجي منو