وكالات//

مرتقب تصدر محكمة فرنسية الحكم ديالها فواحدة من أخطر القضايا الجنائية اللي عرفاتها فرنسا، والمتهم فيها الجراح السابق جويل لو سكوارنيك، اللي عندو 74 عام، والمعروف بلقب “الطبيب الشيطان”، حيث متهم بأنه أذى 299 طفل على مدار أكثر من 25 عام، فمراكز طبية مختلفة.

النيابة العامة طلبات ليه أقصى العقوبة، اللي هي 20 عام ديال الحبس، وقالت إن الجرائم اللي دارها كتخالف أخلاق المهنة والإنسانية. ودابا لو سكوارنيك راه كيقضي عقوبة ديال 15 عام، تحكم عليه بها فـ2020 فواحدة القضية السابقة.

المحاكمة الأخيرة ديالو بدات فشهر فبراير فمدينة بريتاني، والتحقيقات بيّنت أن هاد الانتهاكات كانت متكررة ووقعت ما بين 1989 و2014، فبلايص طبية المفروض يكون فيها الأمان والرعاية للأطفال، واللي كان متوسط أعمارهم فديك الوقت 11 عام.

السلطات الصحية حتى هي تعرضات لوابل ديال الانتقادات من منظمات حقوق الإنسان، حيت ما داروش إجراءات صارمة من بعد ما تحكم عليه أول مرة فـ2005، وهاد التراخي خلاه يكمل خدمتو حتى تشد فـ2017.